পূজাৰ আউটিং কৰিবলৈ আপোনাকো লাগে নেকি বয়ফ্ৰেণ্ড
লাগে যদি ক’ব, কোম্পানীটোৱে গোটাই দিব পাৰিব
কোনোবা ছিংগল ছোৱালীক যদি হাতত ধৰি পূজা চাবলৈ বয়ফ্ৰেণ্ড লাগে তেন্তে পইচা ভৰিব লাগিব৷ দিনে ৭০০ টকা খৰচ কৰিলে পূজা মণ্ডপত ঘূৰি ফুৰাৰ সংগী হিচাপে তেওঁ লাভ কৰিব নকল বয়ফ্ৰেণ্ড৷ ৭০০ টকাৰ বিনিময়ত ছদ্মৱেশী বয়ফ্ৰেণ্ডে তিনিঘণ্টা ছিংগল ছোৱালীক সংগদান কৰিব৷ যদি কোনোবা বয়ফ্ৰেণ্ড নথকা যুৱতীক সংগী লাগে তেন্তে ফে’চবুকৰ জৰিয়তে তেওঁ বয়ফ্ৰেণ্ড ভাৰা কৰিব পাৰে৷ কিন্তু নিশা ১১ বজাৰ পিছত যুৱতীগৰাকীয়ে বয়ফ্ৰেণ্ডক ৰিলিজ কৰি দিব লাগিব৷ ভাৰাতীয়া বয়ফ্ৰেণ্ডে সংগহে দিব, পইচা খৰচ নকৰে৷ পূজা চোৱাৰ সময়ত খাবলৈ মন গ’লেও যুৱতীয়ে নিজে খৰচ কৰিব লাগিব৷ যদি তেওঁ আনক দেখুৱাই বয়ফ্ৰেণ্ডে হোটেলৰ বিল দিয়াটো বিচাৰে তেন্তে যুৱতীগৰাকীয়ে আগতেই ভাৰাতীয়া প্ৰেমিকক পইচা দি থ’ব লাগিব৷ ছিংগল যুৱতীয়ে ভাৰাতীয়া বয়ফ্ৰেণ্ডৰ বাবে কোম্পানীটোক আগতেই অনলাইনত দিব লাগিব ধন৷ তিনিঘণ্টা হাতত ধৰি থকা সংগী লাগিলে তেওঁ ৭০০ টকা দিব লাগিব৷ তাৰ পিছৰ প্ৰতিঘণ্টাত খৰচ হ’ব ৪০০ টকা৷ অৱশ্যে পূজাৰ গোটেইকেইদিন বয়ফ্ৰেণ্ড ভাৰা কৰিলে কোম্পানীটোৱে ডিছকাউণ্ট দিব৷ ছিংগল ছোৱালীৰ দুখৰ প্ৰতি লক্ষ্য ৰাখি এটা কোম্পানীয়ে দিছে এই বাম্পাৰ অফাৰ৷
কলকাতাৰ কোম্পানীটোৱে বয়ফ্ৰেণ্ড ভাৰা দিয়াৰ বিষয়ে বিশেষ প্ৰচাৰ কৰা নাই৷ তাৰোপৰি পৰীক্ষামূলক ভাৱে আৰম্ভ প্ৰকল্পৰ বাবে কোম্পানীটোৱে এইবাৰ ৩৮ জন যুৱককহে বন্দৱস্ত কৰিছে৷ তাৰো ১৪ জন হৈছে হিন্দীভাষী৷ তেওঁলোকক উত্তৰ প্ৰদেশ আৰু ৰাজস্থানৰ পৰা অনা হৈছে৷ যুৱকসকলে পূজাৰ সময়ত ছিংগল যুৱতীৰ সৈতে প্ৰেমিকৰ দৰে অভিনয় কৰে৷ তেওঁলোকে যুৱতী সংগীয়ে বিচৰা দৰেই পৰিধান কৰিব ড্ৰেছ৷ ছিংগল যুৱতীয়ে যিধৰণৰে বয়ফ্ৰেণ্ড বিচাৰে তেনেকুৱাই কোম্পানীটোৱে যোগান ধৰিব পাৰিব৷ কোনোবাই বগাছালৰ বয়ফ্ৰেণ্ড বিচাৰিলে কোম্পানীটোৱে ঘণ্টা হিচাপত ভাৰা লৈ যোগান ধৰিব৷ মাত্ৰ ভাৰাতীয়া প্ৰেমিকক ঘৰ বা হোটেলত থাকিবলৈ নিব নোৱাৰিব ছিংগল যুৱতীয়ে৷ তেওঁলোকে পৰস্পৰৰ ফোন নম্বৰো শ্বেয়াৰ কৰিব নোৱাৰিব৷ যুৱকসকলৰ সৈতে ছিংগল যুৱতীয়ে কোম্পানীৰ দ্বাৰাহে যোগাযোগ কৰিব পাৰিব৷ যুৱতীসকলে গুৱাহাটীত ইচ্ছামতে খোজকঢ়াই ফুৰিব পাৰিব ভাৰাতীয়া প্ৰেমিকক৷ মাত্ৰ সময় শেষ হোৱাৰ পিছত তেওঁলোকে ভাৰা কৰা বয়ফ্ৰেণ্ডক ৰিলিজ কৰি দিব লাগিব৷
ভাৰাতীয়া বয়ফ্ৰেণ্ডৰ বিষয়ে ছ’চিয়েল মিডিয়াত প্ৰচাৰ কৰা হৈছে৷ ইনষ্টাগ্ৰামত কেবাজনো যুৱকৰ ফটো প’ষ্ট কৰিছে কোম্পানীটোৱে৷ তেওঁলোকে কলকাতাত ভাৰাতীয়া বয়ফ্ৰেণ্ড যোগান ধৰি উপকৃত হৈছে৷ পূজাৰ সময়ত ছিংগল যুৱতীক সংগ দিয়াৰ বাবদ অচিনাকী যুৱকেও দুপইচা উপাৰ্জন কৰিব পাৰিছে৷ আনহাতে পূজাৰ সময়ত ভ্ৰমণ কৰিলেও ভাৰাতীয়া বয়ফ্ৰেণ্ডৰ ফটো কোনো যুৱতীয়ে ছ’চিয়েল মিডিয়াত প’ষ্ট কৰিব নোৱাৰিব৷ তেওঁলোকৰ পৰিচয় ৰাজহুৱা কৰাটো নিষিদ্ধ৷ সেয়ে এগ্ৰিমেণ্টত চহী কৰিব লাগিব ভাৰা কৰা যুৱতীয়ে৷ সেই চুক্তিখন ভংগ কৰিলে প্ৰেমিক ভাৰা কৰা যুৱতীৰ পৰিচয় ফাদিল কৰা হ’ল৷
অসমত অৱশ্যে প্ৰেমিক ভাৰা দিয়া কোম্পানীটোৱে বিশেষ লাভ কৰিব পৰা নাই৷ তেওঁলোকে এইপৰ্যন্ত দুগৰাকী যুৱতীকহে গ্ৰাহক হিচাপে লাভ কৰিছে৷ অৱশিষ্ট ৩৬ জন যুৱকে সংগী বিচাৰি পোৱা নাই৷